Бұл сайлаудың ішінде жаһандық бір іс бар!
«Трамп елемеген, алдын ала болжанған пандемия ескертулерінің тарихы» деген тақырыппен жарияланған бір мақаланы күтіліп отырған 2020 жылғы 3 қарашадағы сайлау қарсаңында бірге еске алайық.
Covid-19 тарала бастап, адамдардың өмірін күйретіп, жаһандық экономиканы астан-кестең еткен кезде Президент Дональд Трамп алдымен вирусқа немқұрайлы қарап, ‘америкалықтарды вирус жоғалып кетеді деп сендірді’, кейін мұның бәрін мүлдем күтпеген тосын оқиға ретінде әңгімеледі.
Швейцарияның Давос қалашығында 2020 жылғы 22 қаңтарда өткен Дүниежүзілік экономикалық форумның дәстүрлі жылдық жиынында бір дауыс естілді. Бұл дауыс Давос онша үйренбеген сөйлемдерді жеткізіп тұрды. CNBC арнасынан Джо Кернен Дональд Трамппен сұхбатында мынадай сұрақ қойған еді: «Вашингтон штатында коронавирус жұқтыру жағдайы анықталды. Бұл Ухань штаммы деседі. Есіңізде болса, SARS көп салада жағымсыз із қалдырды. Саяхатқа қатысты салдарлар сияқты… Осы тұрғыда бұл жаңа індетке байланысты алаңдаушылығыңыз бар ма?» Ал Д. Трамптың «мен бұған мүлдем қатысым жоқ, сіз не айтып тұрсыз?» дегендей ең бейжай кейіппен берген жауабы мынадай болды: «Жоқ. Мүлдем жоқ. Бәрі толықтай біздің бақылауымызда. Қытайдан келген бір адам, біз оны бақылауға алдық. Бәрі жақсы болады. Алаңдайтын ештеңе жоқ»…
2020 жылғы 16 наурызға дейін ол вирус ешқандай белсенді түрде таралмайды, тіпті күн жылынғанда, күннің қызуымен вирус кенеттен жоғалып кетеді, уайымдамаңыздар деп үнемі қайталап жүрді. 2020 жылғы 16 наурыздан бастап ол енді көзі жетіп, тіпті таңданысын білдіруден де тайынбады. Вирус әлдеқалай кенеттен пайда бола қалды дегендей бірдеңе айтуға тырысты.
Ұлттық және Американы қайтадан ұлы ету табандылығы қашанға дейін созылар еді, әрине. «Індетті енді ғана байыппен қабылдадым, енді ғана ес жидым» деп айта алмады. Айта да алмас еді! Біз қаншалықты бір-біріне қарама-қарсы екі тарапты көргенімізбен, «ұлтшылдар мен жаһаншылдар сияқты», шын мәнінде мұның бәрі бір ғана мақсатқа қызмет ететін дауыстардың гипноздық әрекеттері. Олардың бір-бірінен еш айырмасы жоқ!
Бұл гипноздық әрекеттердің астында қалған қалды, ал оның салдарын көшелерде сайлаудан кейін бұрынғыдан да қатыгез түрде, екінші маусым ретінде көруді жалғастырамыз. Араластыра-араластыра да тоймады! Тыныс алуға болмайтын халге жеткізді. Басқаша айтқанда, тыныс алу құқығын, оның өлшемін де ақтар мен қаралар үшін деген сылтаумен нәсілшіл ойдың қолына беруді де ұмытпады. Ең шулы әрі көрнекілігі мол көтерілістердің бейнесі болса – ең атақты брендтердің витриналарының қиратылып, тоналуы (капитализмнің ақырының символы ретінде), яғни шығармашыл хаос арқылы өзгеретін әлемдік тәртіп!
Мазмұн мен пішін арасындағы қатынастағы секірістер мен үзілістерге негіз болып отырған мәселеміздің басты тақырыбына оралайық. «Бізге тағы не болмақ?»… Бұл туралы ойлануды жалғастырайық.
Өткен ширек ғасыр бойы АҚШ үкімет басшылары мен ғалымдарының да, жаһандық денсаулық сақтау қызметкерлерінің де ескертулері айқын әрі дәйекті болды: пандемия келе жатыр еді және ол қашан келсе де, жаһандық экономика үшін апат болмақ еді. Соңғы жылдары қызыл ескертулер әр ай сайын дерлік – кейде апта сайын – келіп тұрды, Трамптың алдындағы үш президенттің үшеуі де пандемия қатеріне жеке уақытының едәуір бөлігін арнап, қоғамның назарын аударуда айтарлықтай табысқа жетті.
Ең соңғы ескерту – Стратегиялық және халықаралық зерттеулер орталығының Республикалық партиядан шыққан бұрынғы АҚШ сенаторы Келли Айотт пен Джордж Буштың тұсындағы Ауруларды бақылау және алдын алу орталықтарының директоры Джули Гербердинг бірлесіп төрағалық еткен екі партиялық баяндамасы 2019 жылғы 18 қарашада жарияланды. Кейін SARS-CoV-2 деп аталатын жаңа коронавирустың алғашқы жағдайы Қытайдың Хубэй провинциясында пайда болғанын білеміз. Бұл баяндаманың бірінші нөмірлі ұсынымы Трамп әкімшілігінің пандемияны жоспарлауға қатысты қысқартуларын кері қайтару еді: “Ақ үйдің Ұлттық қауіпсіздік кеңесінде денсаулық қауіпсіздігі жөніндегі басшылықты қалпына келтіріңіздер.”
«Өткен баяндамаларды, осы тақырыпта жазылған кітаптарды, жоспарлау құжаттарын, Конгресс отырыстарын, сұхбаттарды, сөйленген сөздер мен көпшілік алдындағы мәлімдемелерді мұқият зерделеу қазіргі Covid-19 дағдарысының барлық проблемасы лауазымды тұлғалар мен көшбасшылар тарапынан соңғы 15 жыл ішінде алдын ала болжанғанын айқын көрсетеді» деген бір дауыс көтерілді. Бұл дауыс, әрине, Micro Soft-тың серіктесі Билл Гейтстікі еді. Үкіметтің дәрменсіздігі оның әбден жанына батса керек; «Егер қаңтар мен ақпан айларын дұрыс тестілеуге арнағанымызда, мұндай сұмдық экономикалық шығын болмас еді» деген сөгісіне қарамастан, ешкім өзі берілген гипноздан айыға алмады. Өйткені бастар әлі де әбден шатасқан еді, «Билл Гейтс және вакцина – Билл Гейтс және климат, сиырлар, протеин ұнтақтары» сияқты тақырыптарды біз онша бір-бірімен байланыстыра алмай жүрдік.
. Өкінішке қарай, сұрамаймыз, сауал қоймаймыз, ойланбаймыз!
Даталарды сәл кейін шегерейік. 2005 жыл, Президент Буш: «Еліміз отанымызға төнген қатер туралы әділ түрде ескертілгенін» айтып жатты, нағыз американдық мәнерде. Бұл ескерту былай болатын: «Сегіз жыл бұрын АҚШ Денсаулық сақтау және әлеуметтік қызметтер министрлігі дайындаған баяндамада пандемияның таралуымен қалай күресетінімізді анықтау үшін ‘әлеуметтік қашықтық’ үлгілерін әзірлеу қажеттігі көрсетіледі; сондай-ақ өкпені жасанды желдету аппараттарының қорында ықтимал қауіпті тапшылық барын меңзейді және H1N1 індеті кезінде жергілікті жерлерде маска тапшылығы болғанын, алайда оның ұлттық қордағы жабдықтар есебінен толтырылғанын білу керектігін» айтқан еді. Денсаулық сақтау және әлеуметтік қызметтер министрі Алекс Азар мен Ұлттық аллергия және жұқпалы аурулар институтын ұзақ жыл басқарған Энтони Фаучиді қоса алғанда, бүгінгідей алдыңғы шепте тұрғандар сол күні бұл баяндаманы растап отырған еді.
Міне, тағы да осы жерде адам «Субханаллаһ» деп, тереең-тереең күрсінгісі келеді.
Шын мәнінде пандемияның қысқаша тарихы ретінде сәл тереңірек зерттеуге кіріссеңіз, бүгін біз бастан кешіп отырған барлық осы ескертулердің 1996 жылы да баяндамаларда жазылғанын көре аламыз.
Мұның себебі мына сөздерде жасырын жатқан жоқ па екен?
Жаңа әлемдік тәртіп және оның актерлері – Импортталған президенттік жүйе, 11.06.2011, құрметті Бану Аварның қаламына сілтеме жасай отырып…
Жаңа әлемдік тәртіпті көздейтіндердің бірі – Генри Киссинджер. 60 жылдан бері саясаттың ішінде, империялық мақсаттарды көздейтін ұйымдардың шыңында. Ол былай дейді: Әлемді өз философиямызға келтіру үшін тағы біраз уақыт қажет. Глобализм жеңеді. Қараңыздар, терроризм шекара білмейді! Экономика да солай! Дағдарыс та! Тарихтың осы кезеңінде барлық елдер өз мүдделерін халықаралық мүдделермен бір орбитаға түсіруге тырысуы тиіс!
Сыртқы қатынастар кеңесінің ғасыр басындағы маңызды тұлғаларының бірі Пол Варбург «Бәрі біртұтас әлемдік мемлекет үшін!» деген еді. Сіз мұны «Бәрі трансұлттық компаниялардың пайдасы үшін» деп оқыңыз! Ол былай жалғастырған: «Кім не десе де, жақын болашақта біртұтас әлемдік мемлекет құрылады. Жалғыз мәселе – бұл келісім арқылы бола ма, әлде басып алу арқылы ма!» Барак Обаманың ұстазы, Америкада «перде артындағы адам» атанған Збигнев Бжезинский былай түйіндейді: «Ұлттық мемлекеттердің тәуелсіздік анықтамасы енді өзгеріп жатыр! Халықаралық монополиялар мен банктер жаһандық экономиканы басқарып отыр!»
Ұйымның тағы бір маңызды мүшесі Дэвид Рокфеллер бұл сөздің үстіне бір уыс үміт сеуіп қояды: «Әлемдік мемлекетті құрған кезде әлем бұдан да кемел әрі тұрақты болады. Әлемдік банкирлер мен жаһандық элита әлем халықтарын бостандыққа жеткізеді!»
Америкалық журналист Джим Марс былай баяндайды:
Глобалистер біртұтас әлемдік мемлекетті көздейді. Әлем бір қолдан басқарылады. Бір ғана армия болады, бір орталықтан басқарылатын әлемдік экономика болады. Бір қолдан басқарылатын білім беру және денсаулық сақтау жүйесі болады. Кең мағынада бұл тіпті құлаққа жағымды естілуі мүмкін, бірақ шындығында бізді бұл идеяға жасырын түрде алдап итермелеп жатыр. Бұл бағыттың соңында бір Гитлермен бетпе-бет келмейтінімізге кім кепілдік бере алады? Жаңа Гитлер! Ал халықтар – әлемді басқаратын компаниялардың құлдары. Әркім бақыланатын, тыңдалатын және қадағаланатын тәртіп. Ұлттық мемлекеттердің орнына қаржылық бірліктер тұр. Адамдар бақытты әрі еркін! Өйткені олар енді ойлай алмайды. Міне, Сыртқы қатынастар кеңесінің адамзат болашағы туралы арман-қиялдары осындай.
Жоғарыда пандемияның қысқаша тарихымен бірге сілтеме ретінде алған жолдарымызды оқи отырып, 3 қарашаның бүгінін дұрыс оқитын, ол туралы бейтарап ойланатын нақ уақыт!
Өкінішке қарай, сары шашыңа бола «сен кінәлісің» десе де, ренжи көрме. Қалай болғанда да, жақын болашақта қарсыласың туралы да «Жаңа әлемдік тәртіп үшін сенің жаныңда жасырақ, өзгеше, түрлі-түсті жаңа бір бетті дайындап қойған едік. Жаңа ЖАҺАНДЫҚ әлемдік тәртіпте Азияның да түрлі-түсті үні болуы керек» деп айтуы мүмкін. Немесе тағы да мүлдем басқа бір тосынсыйдан аң-таң болып қалуымыз мүмкін.