Караоке латын әліпбиіне көшірілгенде, жатқа айтуға тура келеді. Әзірге рахатын көріп жатырмыз: Астанада, сірә, осы форматтағы алғашқы кеш өтті – «Қазақтелеком» АҚ-ның IT мамандары журналистика жұлдыздарымен вокалдан жарысты. Немесе жалпылап айтсақ – қайсысы маңыздырақ: техниктер ме, әлде гуманитарлар ма? Осы мақсатпен екі буыннан – іріктеу кезеңі мен финалдан – тұратын оқиғалар тізбегі жеңімпазға қарай жылжыды. Мұның бәрі былай аталды: Digital vs Media Karaoke Battle; оқылуы былай: «Диджитал версус медиа караоке батл».
Гуманитарлық майданның сақшылығында тек ірі есімдер мен ірі мекемелер тұр:
- «Хабар» телеарнасының жүргізушісі – Майя Бекбаева
- «Астана» телеарнасының жүргізушісі – Санди Сұлтан
- «Хабар 24» жүргізушісі – Арыстан Балтин
- «Информбюро» ақпараттық-сараптамалық порталының тілшісі – Диана Құлмағанбетова
- «Жетінші арнаның» креативті директоры – Евгений Переверзев
- «Tengrinews» ақпараттық порталының тілшісі – Мирхат Әжіғалиев
Техникалық майдан жағында – «Қазақтелеком» АҚ-ның IT мамандары:
Әділ Қарыбаев, Айгерім Омарова, Ерлен Ерматов, Нұрлыбек Әжіғұлов, Нұргүл Қашқымбаева, Әсия Данияр.
Сіз кімнің жеңгенін болжап жатқанда, біз бәрі қалай өткенін баяндайық.
Сенбі күні кешкі сағат жетіге таман Rixos қонақүйінің «Жеруйық» залы мен оның алдындағы фойе әлдеқашан дайындалып, безендіріліп қойған еді – жарықтандыру, аркалар, үстелдер, суретке түсуге арналған үлкен баннер. Гримерлік рөлін атқарған «Шаңырақ» залы модельдерді сән көрсетіліміне дайындап жатқан визажистердің у-шуы мен әбігеріне толы болды. Жүргізушілер Азамат пен Антон да гримерлікте кештің басталуын сабырмен күтіп отырды. Ал қонақтар жиналуға бөлінген уақытта шай мен жеңіл тағамдармен сыйланып, суретке түсіп, әңгімелесті. Кеш жапон тақырыбында өтті; бұл идеяға тұжырымдамалық тұрғыдан сай келді, өйткені Жапония – караокенің отаны.
Сағат сегізде бастау берілді. Азамат пен Антон сахнаға шығып, шара қатысушыларын жариялады. Қонақтар медиа әлемінің өкілдерін де, «Қазақтелеком» қызметкерлерін де бірдей қошеметпен қарсы алды. Караоке мына қағидат бойынша құрылған еді: әр қатысушы екі байқау әнін жаттап алды. Іріктеу кезеңінде қатысушылардың жартысы шығып қалып, финалға алты адам өтті. Бұған екі адамнан тұратын қазылар алқасы жауап берді: қазақстандық музыканың жұлдызы – Ринат Малцагов және Rixos President Astana қонақүйінің бас менеджері Тансел Терджан, «Қазақтелеком» АҚ-ның басқарушы директоры – Бикеш Құрманғалиева
Сөзді созбай, бірден айтайық – бәрі де жақсы орындады. Бірақ Санди Сұлтан финалға өте алмады. Шынын айтқанда, караоке форматы өзін ақтады – барлық жұлдыз өз жақындары үшін айтып тұрғандай сахнаға шығып, ән шырқады. Медиа әлемі өкілдерінің ішінен Майя Бекбаева, Евгений Переверзев және Арыстан Балтин ерекшеленді – әрі тамаша орындады, әрі сахнада шебер қимылдады. Майя Бекбаева «My emancipation» әнімен ВИА Гра бейнесіне еніп, шығарманың бүкіл экспрессиясы мен драматизмін шынайы жеткізуге тырысты – тіпті сахнадан би алаңына түсіп, жұртпен бірге билеп кетті! Арыстан Балтин мен Евгений Переверзев дауыстарымен есте қалды – жоғары ноталарды алып, әдемі әрі сезіммен шырқады. Санди Сұлтан да өте жақсы орындады – бірақ тек қазылар ғана білетін тағдыр тәлкегімен жекпе-жектің финалына өте алмады.
Ешкім ешкімнен қысылмады. Жұрт әнге қосылып айтты, биледі, тыңдады, өз командасын қолдады. Жұлдыздар барынша еркін болды; күлді, көңіл көтерді және жүректерінен шыққандай етіп шырқады.
Алғашқы үштік былай орналасты:
ҮШІНШІ ОРЫН – Бурабайдағы «Қазақстан Лапландиясы» тақырыптық саябағында отбасымен демалыс – МАЙЯ БЕКБАЕВА
ЕКІНШІ ОРЫН – BUDAN 5* қонақүйінде Full Board, 2 адамға, 8 күн (7 түн) тұру, Афьон термалды демалыс орталығы – ДИАНА ҚҰЛМАҒАНБЕТОВА
БІРІНШІ ОРЫН – Rixos Sungate қонақүйінде 7 күн тұрумен, 2 адамға арналған Анталья демалысы – ӘДІЛ ҚАРЫБАЕВ
Міне, осылайша IT әлемі мен Медиа арасындағы караоке жекпе-жегінде техниктер жеңді. Не десеңіз де, техникалық іс болды. Digital vs Media Karaoke Battle осындай болды.
Хабарды дайындаған: Халас Қолышбаев
Ұйымдастырушылар: «Big Name» PR агенттігі, Rixos President Astana, «Деловые Эмираты. Казахстан» журналы
Дереккөз: 1show.kz
Орыс тіліндегі түпнұсқасынан аударылған.