«Әл-Фараби – әлемдік өркениеттің философы және оның мұрасы» атты халықаралық ғылыми-практикалық конференция ғұламаның туғанына 1150 жыл толуын мерекелеу аясында Көкшетауда өтті. Онлайн форумға Ақмола облыстық сотының және Абай Мырзахметов атындағы Көкшетау университетінің өкілдері қатысты. Қатысушылар философиялық шығармаларды және «Қайырымды қала тұрғындарының көзқарастары туралы трактатты» талқылады. Олар әл-Фарабидің әлем, қоғам, мемлекет және адам қатынастары жайлы озық көзқарастары мен ойларына назар аударды. Сондай-ақ виртуалды конференция баяндамашылары «Екінші ұстаздың» басқару жүйесіне, әлеуметтік, экономикалық, саяси, сондай-ақ рухани-мәдени жұмыстағы дағдыларды жүйелеуге қатысты көзқарастары туралы айтты. Сарапшылар әл-Фарабидің идеялары әлемдік ғылым мен өркениеттің іргетасын қалағанын атап өтті.
Дана ғалым өзінің саяси-философиялық ілімінде қайырымдылық, мейірім және ізгілік қаруын қалай сақтап, қалай реттеуге болатынын түсіндіреді. Әл-Фараби өз заманының рухани шамшырағы ретінде барлық мәселеге шешім табуға ұмтылған
деді Ақмола облыстық сотының төрағасы Досжан Әміров
Түркиялық ғалым Нурфер Терджан көне дәуірдің осы көрнекті тұлғасының еңбектерін кеңінен таныстыруды мақсат етеді. Ол әл-Фараби атындағы Қазақ ұлттық университетінің қолдауымен «Желдің жолдауы. Әл-Фараби» кітабын жарыққа шығарды.
Бұл идея ойыма мүлдем кездейсоқ келді деп айта аламын. Тақырып өте кең әрі күрделі болғандықтан, бір күні Әбу Насыр әл-Фараби туралы кітап жазамын деп ойламаған едім. Себебі кітап жай ғана өмірбаян емес, философияның үлкен саласы болуы керек еді. Кітапта әл-Фарабидің өмірбаяны баяндалмайды. Әрине, онда ғалымның өмірі мен философияға бастаған жолы туралы көптеген мәлімет бар. Дегенмен кітап оны оқыған адамға тек кеңес береді. Мен оны оқығанда, өзімше түсінемін. Егер сіз оқысаңыз, бәлкім, сіз де оны өзіңізше түсініп, өзіңізді тануның кілтін табасыз
деді Терджан
Оның айтуынша, кітап түсінікті тілмен жазылған және барша оқырманға қолжетімді.
Әрине, бастапқыда кітабымды түрік тілінде жаздым. Кейін оны кәсіби аудармашылар орыс және ағылшын тілдеріне аударды. Болашақта кітап қазақ тіліне де аударылады деп ойлаймын
деді Терджан
Ағылшын тіліндегі түпнұсқасынан аударылған.